المتمرد | السلسلة الأولي الجزء التاسع

المتمرد | السلسلة الأولي الجزء التاسع

 

على: معلش راعى أنى شاب أعزب برضه 😅 ، المهم كانت جميلة كان جسمها رغم أنه كبير بس متناسق أخذت انطباع أنها شغاله على نفسها و مش من الستات اللى لما بتكبر بتسيب جسمها يبوظ.

المتمرد | السلسلة الأولي الجزء التاسع

طبعاً هى مش هتسيبنى متنح فيها لقيتها بتقاطع نظراتى بكلامها كانت حادة فى البدايه بعدين قلبت للؤم شويه دخلت قعدت على ما جابت المفتاح بس وهى بتجيب المفتاح شفت قمر يا جدى اول مره اشوف بنت بالجمال ده.

البنت كانت لسه صاحية فجريت على جوه تانى أصلها كانت لابسه مرتاح شويه حلو كده 😅.

سيد: ايوه كده خليك مؤدب و أنا موجود.

على:عنيا بس كده 😂.

المهم اخدت المفتاح و نزلت أخدت دش و داخل انام لقيت تليفونى بيرن برقم معرفوش لكن صاحب الصوت اعرفه كويس اوى.

سيد: مين يا فلحوس.

على: اعذرنى مقدرش اقولك هو مين بس هقولك ايه اللى اتقال.

منى: على الحق يا على.

على: فى ايه يا بنت المجانين مالك.

منى: مصيبه يا على مصيبة هتروح فى داهية.

على: اكتر من اللى أنا فيها اديله 😂.

منى:انت بتضحك بقولك هتروح فى داهية و انت بتضحك ده انت لست رسمى.

على: عايزاني اقولك ايه يعنى انا زهقت أنا تقريباً اخر خبر عدل كان النتيجه بتاعتى و ياريته كمل.

منى: بقولك ايه اسمعنى كويس عندك فى الشقه اللى انت فيها فيه شنطه فيها بودره عايزين يخلصوا منك يا على.

على: مين دول و انتى عرفتى ازاى أصلا.

منى: مفيش وقت اقلب البيت عندك على الكيس و إلا البوليس هيمسكك و هتروح فى داهية ركز يا على الموضوع مش هزار سلام علشان سامعه صوت بيقرب.

يومها قفلت و أنا حرفياً دماغى عماله تقولى هو فيه ايه ده انا لو الجهود دى اتوزعت علشان يحرروا فلسطين كان زمانهم حرروها.

يومها بعد مشقة قدرت الاقي الكيس و بصراحه كنت حابب ارميه بس جاتلى فكره تانيه أن أنا أبدل كيس البودرة بكيس ولا اتنين من الدقيق اللى ادتهولى ريرى بصراحه ادتنى حاجات تهريب من وراك 😅.

سيد: و أنا أقول فتحة الصدر بتاعة هصرف على نفسى و قلت الواد خلاص الواد طلع مكنز على قلبه بقه فى الآخر طلعت مسنود 😂.

على: مهو خلى بالك برضه أنا مرضيتش أخد منها فى الاول اجبرتنى الصراحه 😅 بس مخدتش غير حاجات تمشينى كام يوم.

سيد: بس برضه اي علاقة ده بالشخص اللى جابلك البدله.

على: ما هو فى نفس اليوم و بعد ما الأمور عدت يومها اتأكدت إن رانيا ليها يد فى الموضوع خصوصاً مع رد فعلها اللى كان واضح انها عايزه تلبسنى.

عدى اليوم و كان فاضل اسبوع على بداية الدراسة و حرفياً أنا كده هدخل الدراسه على الأبيض كان لازم الاقى شغل فى أسرع وقت علشان كده كلمت حد معرفه يشوفلى شغل فى شركة أبوه.

الشخص: ياااااه شوف مين طلع فاكرنا عاش من سمع حسك يا واطى من ساعة النتيجه محدش يعرف عنك حاجه خالص.

على: يا شيخ اتنيل ده أنا محطوط عليا حطة السنين أصلا.

الشخص: ابوك تانى ولا اى 🤔.

على: حاجه زى كده أه المهم عايز منك خدمه و انت عارف اللى عندى مش بيروح.

الشخص: خدمة اي دى بعدين بيروح اي و مبيروحش اي من امتى و احنا فيه بينا الكلام ده.

على: تسلم يا رجوله ده العشم برضه ، عايزك تشوفلى شغلانه فى شركة ابوك بس مفيش حد يعرف عن الموضوع ده.

الشخص: شغل ؟ ده الموضوع شكله كبير بقه خير يبنى انت ابوك شد معاك زياده عن كل مره ولا اى 🤔.

على: هبقى احكيلك المهم هتساعدنى ولا اى.

الشخص: اعتبر نفسك اتعينت و بمرتب محترم كمان.

على: لا هو انت بس عينى ده كل اللى محتاجه موضوع الفلوس أنا مش فارق أوى معايا مادام يكفى أساسيات الحياه ف تمام.

الشخص: تمام 🤝 هشوف و هرد عليك آخر النهار.

يومها فطرت و طلعت البلكونة أشوف الشارع واللى بيحصل فيه بصراحه كانت الدنيا جميله و هاديه حسيت إنها هتكون بدايه جديده كويسه او على الاقل كنت اتمنى ده من جوايا.

عدى اليوم و بقينا قرب الساعة ٧ رن عليا الشخص اللى كنت مكانه على شغل و قال

الشخص: شوف أنا حاولت اجيبلك افضل حاجه ممكنه اي رايك تشتغل فرد أمن مرتبها فى رأيى كويس و ممكن تذاكر وقت الشغل خصوصاً لو نزلت وردية الليل هتكون الدنيا هاديه.

على: ماشى كلامك اقدر ابدأ من امتى ؟

الشخص : ممكن من بعد بكره عادى ، تيجى بكره معاك …… و تعالى قدم و هتعمل المقابلة فى نفس الساعة تقريباً و دى كلها شكليات أصلا بس خلى بالك المقابله لازم فورمال.

على: تمام يا كبير.

طبعاً كان لازم اتصرف 😅 ما الواحد لقى شغلانه فى وقت صعب فيه الشغل أصلا بس اتصرف ازاى ؟

القدر هنا لعب لعبته قطع تفكيري صوت خبط على الباب توقعت تكون رانيا خصوصاً بعد اللى حصل لكن لقيت واحده جميله جدا شعر كيرلي ولابسه نص كم و بنطلون ماسك عليها مبين كل أجزائها السافلة 😋.

الست: ازيك يا استاذ على.

على: اهلا وسهلاً مين حضرتك ؟

الست : أنا جارتك اللى فى الشقه اللى قصادك هنا تقدر تقولى مايا.

على: اه اهلا وسهلا تقدرى تقوليلى على عادى من غير استاذ تقدرى تقوليلى على عادى.

مايا: طب ايه مش هتدخلنى و تعزمنى على شاى ولا انت بخيل بقه 😂؟

على: لا طبعاً اتفضلى.

روحت عملت الشاى و رجعت قعدت أشوف عاوزه اي، طلعت كانت عاوزه تكلمنى على صاحبة العمارة وقد ايه هى ست مكافحة وخايفه على سمعة المكان علشان كده كانت بتزعقلى ساعة ما جه الظابط. (ساعتها أنا فكرت حاجه من ٢ يا رانيا زقتها عليا علشان تلم الموضوع يا إما هى ست سباقه بالخير فعلا ولو أنى استبعدت ده)

مايا: زى ما قولتلك كده هى علشان معاها بنت و لسه متجوزتش و انت فاهم.

على: فاهم طبعاً فاهم. (عملت نفسى مصدق فى النهاية أنا مش مقتنع و اللى شفته خلانى اشك فى كل الناس تقريباً عادى)

على: حقيقي قلبك كبير جداً إن تتعبى نفسك وتيجى مخصوص علشان تتكلمى على لسانها واضح أن حضرتك خدومه.

مايا: اه طبعا أنا و جوزى أصلا اتولدنا فى منطقه شعبيه و ولاد المناطق الشعبية معروفة ب جدعنتها.

على: طبعاً طبعاً ده أكيد ، طيب ممكن اطلب منك طلب و اتمنى تقدرى تساعدينى.

(الصراحه وقتها كنت استغلالي قذر😅 أو ده اللى حسيته عن نفسى وقتها لإنها واضح انها كانت كانت بتحاول تكسب ود جارها و تصلح بين الناس و أنا فكرت فى مصلحتى مش اكتر)

مايا : اتفضل يا على.

على: ممكن اخد بدله من بتوع جوز حضرتك علشان عندي بكره مقابله شغل و محتاج البس فورمال.

مايا: بس كده متغلاش عليك أقولك هجيبلك واحدة و اعتبرها هدية.

على: لا مش للدرجة أنا عاوزها بس لزوم المقابلة.

مايا: لا يمكن يحصل ابدا ده حسن جوزى يزعل جامد لو عرف انك محتاج و مش راضى تخليها معاك بعدين يا سيدى بكره انت كمان تهادى.

على: مش عارف اقولك ايه الحقيقه متشكر جداً لحضرتك.

مايا : طيب هستأذن انا بقى و ياريت تقبل عزومتى على العشاء النهارده هتكون أنا و جوزى منتظرينك على ٧.

على: ده كتير اوى الحقيقه شكرا ليكى على العزومه و هكون موجود فى الميعاد.

اتعشيت معاهم يومها و كان جوزها حسن شخص لطيف جداً بصراحه كانت عزومه غيرت مزاجى تماما للأفضل حسيت وقتها أنها هتكون جيره حلوه.

عرفت بقه جبت البدلة منين يا ابو السيد اى خدمه عرفتك أهو 😂.

سيد: يعنى عملت علاقات مع جيرانك أهو ، لسه على علاقه بيهم ؟

على: اها حسن دلوقتى يعتبر صاحبى هو راجل سكره رغم فرق السن بيننا بس حقيقى شاب جميل و روش كده مش قافل في نفسه.

سيد: طب يلا اجهز احنا دقيقة و هنبقى فى الشركه.

عاد علي إلى الواقع بعد أن استطاعت ذكرياته إنتشاله من توتره و شروده لبعض الوقت.

يقولون فى الأمثال الشعبية المصرية "اللى يخاف من العفريت يطلعله" و عفريت على دائماً ما كان تردده و خوفه من أذية غيره فهو دائماً ما كان حريصاً على إرضاء من حوله أو عدم مسهم بالسوء بسبب تصرفاته على الأقل لكن كما يقولون أيضاً "الشئ اللى يزيد عن حده ينقلب ضده" لذلك اكتسب على بعدما وقع فى فخ شمس بعضا من الشجاعة الاجتماعية يأمل فى استحضارها الآن.

نزل الجد وحفيده من السيارة متجهين ناحية المصعد الموجود في بهو الشركة لكي يأخذهم المصعد و يتجه بهم الدور الثالث تحديداً غرفة رئيس مجلس الإدارة.

قابلت السكرتيره الشابة الجد أو دعنا نقول مالك الشركة قائله

السكرتيره: اهلا وسهلا مستر سيد أخبار حضرتك إيه.

سيد: ازيك يا ولاء ، اخبارك ايه ؟ مستر محمد في مكتبه ؟

ولاء بتوتر: ها انا تمام بخير ، مستر محمد فى المكتب معاه عميل مهم.

سيد: و مالك بتقوليها كده ويكأن الموضوع فيه حاجه غلط وسعى من سكتى أنا رايحله مكتبه.

ولاء لونها اتخطف: طب طب حضرتك كنت نديله خبر انك رايحله؟

سيد: مالك يا ولاء انتى عيانه و هو أنا هحتاج أبلغ رئيس مجلس إدارة شركتى إن أنا رايحله ؟

ولاء بسرعه: العفو يا فندم أنا مقصدش حاجه أكيد حضرتك تشرف فى اى وقت ده حتى حضرتك بقالك مده مزورتش الشركه ، ده الشركه نورت النهارده.

أثناء حديثهم كان على ينظر حوله و يتابع حركة العمل مهندسين هنا وهناك حركة عمل كالساعة تسير بانتظام و سرعة فى الأداء.

ظل يصول و يجول فى الشركه يرى أقسامها المختلفة إلى أن أخذته أقدامه للقسم القانوني للشركة هذا القسم الذي يعمل به محمود و الخائنة التي أحبها.

رآها في زينتها و رداءها المفضل لديه دائماً ما استطاعت سحر عيناه ، إنها اسم على مسمى كريمه و هى تكرم كل من ينظر إليها بجمالها الاخاذ

كان ذلك في عامه الدراسي الأول بالكلية تحديداً إن أردنا الدقة فى الترم الثاني من العام فقد مضى الترم الأول بدون اصدقاء فقط معارف لانشغاله بالدراسة والعمل فى آن واحد فكان من الصعب تكوين صداقات.

للعلم فقد قُبل على في المقابلة الشخصية كمان كان متوقع اختار الوردية الليلية ليتاح له الفرصة للذهاب للجامعة صباحاً فقد حرص منذ البداية على التعلم بشكل صحيح وفعال يسمح له بالعمل فى افضل المكاتب و الشركات.

ظلت الأمور كذلك حتى جاء اليوم الذي اختلفت فيه شلة الدحيحه و هى أبرز شلل هذه الدفعة يومها كانت محاضرة مصطلحات بلغة أجنبية.

تلك المحاضرة التي يجد فيها اغلب طلاب الكلية مشقة نظرا لأن الدكاتره يفضلون الشرح و التعامل مع الطلبة باللغة الأجنبية فرنسية كانت أو انجليزيه وكما هو معروف للجميع أن اللغة العربية نفسها بها خلل عند بعض الطلبه فى العصر الحالى للاسف ما بالك بالأجنبية.

لكن على الرغم من تردي مستوى الجميع فى هذه المادة التي دائماً ما اعتبرتها دكاترة الجامعة هي مادة ال ٢٠ من ٢٠ كان على متميزاً بها نظرا لحبه للغات منذ البداية و تميز على فى هذه المادة على التحديد أثار اعجاب الكثيرين فكان يتحدث مع الدكاترة ويجاوب على اسئلتهم مستخدماً اللغه الاجنبيه بطلاقه كأنه ولد بالخارج.

فى ذلك اليوم تحديداً في المحاضرة قبل الاخيره من السنة جمعاء كانت شلة الدحيحه مستاؤون من وضعهم فى هذه المادة حتى بدأ فارس و هو أحد أبرز شباب هذه الدفعة و اول أعضاء هذه الشله معرفة بالآخرين كلامه بالاتى.

فارس : هنعمل ايه فى الماده دى يا شباب عايزين نحافظ على التقدير من اول سنه نكون في القمة.

عمر: دى معقده و دكاترتها معقدين مش فاهم هنستفاد اي يعنى لما ندرس القانون بلغه اجنبيه تضييع درجات و خلاص.

كريمه: أنا عن نفسي هعتمد على الملازم فى الماده دى ، دى ماده صعرانة و مينفعش معاها غير البصمجه😂 و مجتش على دى يعنى أساساً مفيش حد جامد فيها يعنى فى الدفعه.

شروق: ده مين اللى ضحك عليكى وقالك كده ، انتى بس علشان مبتحضريش الماده دى إنما لو بتحضريها كنتى عرفتى إن الكاريزما مولع الدنيا مع الدكاترة فى الماده دى.

كريمه: نفسى اعرف ابن العفاريت ده مبيعطلش فى حاجه ابدا دحيح فى كل المواد و مفيش معلومه بتفوته ه غير أنه محبوب من الدكاتره ده حتى المعقد بيحبه.

شروق: متفكرنيش الماده بتاعته محدش بيعدى فيها ال١٣ بس أراهنك إن على هيجيب ١٦ على الأقل و هيكسر الرقم التاريخى فى الماده دى 😂.

عمر: و الشوالى يقول فى الخلفية يا كاتب التاريخ لا تغلق الصفحات يا كاتب التاريخ عنوان الورقات على محمود يكسر الأرقام 😂.

فارس: يخربيتكم الواد هيموت مننا😂 براحه ع الواد و

بعدين الراجل يستحق هو مجتهد.

كريمه: ده على أساس إننا ماشيين نهزر طول السنة يعنى ؟

شروق: مالك يبنتى اتعصبتى ليه كده براحه.

كريمه: انتى مش شايفه كلامه اللي يعصب طب ايه رأيك بقى يا فارس ان انا هجيب نفس اللى هيجيبه على و يمكن اعلى منه كمان.

فارس:ودي هتعمليها ازاى يا فالحه.

كريمه: هعملها زى ما هعملها دى مش بتاعتك بس مبقاش كريمه بنت عيلة السيوفى لو مجبتش احسن منه كمان.

انصرف كل منهم متجهاً لمنزله فارس و عمر اتجهوا فى طريقهم سويا و كريمة و شروق فى طريقهم.

أثناء سيرهم متجهين ناحية المترو تحادث الشابان فيما بينهما بشأن ما تنوى كريمه فعله

فارس: تفتكر كريمه ممكن تعمل اي يا عمر البت كانت بتتكلم بثقه عاليه أوى.

عمر: معرفش بس أنا قلقان عليها أوى لا تعمل حاجه غلط تودى نفسها فى داهيه.

فارس بتهكم: تودى نفسها فى داهيه قولتلى أه ، يبنى اللى زى دى بتاعة مصلحتها و بس مش مهم عندها حد تانى نفسى اعرف انت بتحب فيها أى أصل لو على شكلها ف هى مش ملكة جمال يعنى.

عمر: عندك حق هى مش ملكة جمال فعلا دى هى الجمال نفسه.