المتمرد | السلسلة الأولي الجزء الثالث

وصلنا منطقة النويري ده الاسم اللى معروفة بيه لان جدى اشترى أراضى المنطقة كلها زمان و بنى عليها و ده بعد ما اقترحت عليه ريرى بحجة أن المنطقة كلها تكون بتاعتهم و بكده يكونوا براحتهم و حتى لما أولادهم يكبروا يكونوا حواليهم.

المتمرد | السلسلة الأولي الجزء الثالث

جدى من الناس اللى بقدر اخد راحتى معاها فى الكلام لأن كنت بروح عنده كتير من و أنا صغير و ابات عنده فى الفيلا ف يعتبر هو مساهم بشكل كبير فى تربيتى غير بقى ان هو شخص مش بيحب الرسميات على طبيعته جدا كمان حقانى و فى الحق ميعرفش أبوه و دى اهم ميزه تميزه فى رأيى.

ريرى بقه أو ستى ريهام ست من الناس اللى تحسهم مهما مر الزمن دائما هيفضل شكلها حلو و ده لإنها محافظه على جسمها تشوفها متديهاش سن كبير خالص.

ستى بنت أكابر عيلتها كان ليها اسمها و لولا أن مكنش ليها اخوات صبيان مكنش اسم عيلتها يروح ، هى ليدى فى نفسها كده رقيقه جدا بس بالرغم من رقتها إلا إن شخصيتها قويه و حبوبه جدا و عمرك ما تزعل منها.

ستى دائما كانت بتحب الجو الأسرى و حتى حاولت بأكبر قدر ممكن أن اولادها يكونوا قريبين من بعض و فعلا نجحت في ده على الأقل ل فتره من الزمن.

جدى بعد جواز دام سنه قدر يجيب ابنه الكبير محمد (عمى)

عمى محمد شخص ملامحه أوروبيه طالع فى الشكل ل جدى عيون خضراء و شعر بني و لون بشرته بيضاء ، ك عادة العائلات المصرية أول *** بياخد الاهتمام الكامل و ده أدى أن عمى طلع شخص متعلم كويس فاهم و واعي للى حواليه بشكل كويس غير أنه كاريزما و شيك جدا فى لبسه و عنده ثقه صعب كسرها تصل أحيانا للغرور ب رأيه.

مشكلته أنه شخصيه متعجرفه و دائماً شايف نفسه فوق الكل حاسس إن ده بسبب الاهتمام الزائد بيه و هو صغير عجرفته انعكست على تعامل الناس معاه فى الشركه ف بقوا ينافقوه علشان المدير ، ايوه عمى مدير شركة جدى حاليا جدى سابله الدنيا و بيتابع من بعيد ل بعيد.

تمر سنتين كمان و تجيب ستى الطفل التانى أبويا محمود والدى هو مثال حى للشاب المصرى الملامح عيون سوداء ولون قمحى البشرة لون شعر اسود فحمى أبويا متعلق ب عمى محمد جامد و للاسف ده سبب من أسباب مشاكل العيله الحاليه.

مش وحش انك تتعلق ب حد اخوك ابوك امك اختك او حتى صاحبك لكن تعليقك بيه و احترامك ليه زايده عن اللزوم هو اللى غلط ، إن الاخوات بالذات يحبوا بعض و يحترموا بعض ده شئ جميل و حتى فى حالتنا حبهم ل بعض خلى عيلتنا تتغلب على مشاكل كتير.

لكن ده ميمنعش زى ما قولت إن التعلق و الاحترام ميكونش مطلق او على الاقل مؤثر فى قرارات مصيرية فى حياتنا وحياة غيرنا ، عمى كان هو الطرف الأقوى فى المعادلة بما إنه الأكبر علشان كده حتى جواز أبويا من أمى كان بسبب طلب منه علشان يقوى مركز الشركة في السوق لأن أمى بنت صاحب شركة كبيرة ولها اسمها.

امى هى سالى فريد محمد الرفاعي عائلة الرفاعي ليه اسمها لأنها عيله كبيره ليه شركاتها الخاصة صحيح لا تضاهى حجم شركات عيلتنا لكن ده ميمنعش انها ليها وزن في السوق ، أمى أصغر من أبويا ب اربع سنين وقعت فى حب أبويا من أول ما شافته لكن مكانتش تعرف إن هو للاسف واخد جوازه منها مصلحه.

امى مشكلتى معاها اكبر منها هى شخصياً هى شخصيه عاطفية جدا و بتحب عيلتنا و أنا معنديش مشكله فى ده تماماً لكن مشكلتى لما يكون ده جزء من أنى مليش ضهر ، امى من نوع الستات اللى بيحاول يرضى اجوازهم دائما عمرها ما حاولت تعارضه و تحنن قلبه عليا يمكن كانت بتتعاطف معايا لكن ده مكنش كافى إنها تكلم أبويا فى أنه يخفف من حدة تعامله معايا.

اخيرا بقه ستى جابت عمتى ميار بعدها بسنتين ستى كانت ثابتة ع المبدأ كل سنتين ***😅 ، عمتى ميار طلعت لأمها ليدى فى نفسها دمها خفيف و بتحبنى جدا لكن معاملتها اختلفت معايا بعد اللى حصل ، عمتى مش شغالة فى الشركة زى اخواتها ، عندها مشروعها الخاص الذي تديره بعيدا عن شغل الشركه ، ساعدها فى تكبير شركتها جوزها بما إنه شخص رياضى و ليه علاقاته مع الوسط الرياضي اللى يقدر يخدم بيه مشروعها و اللى متخصص فى الازياء الرياضيه.

جوزها اسمه لؤي رؤوف صقر شخص متعلم و معاه شهاده جامعيه كويسه غير أنه اشتغل على نفسه كتير لغاية ما حاله عرض لتدريب أحد الأندية عمل معاهم بطولات كويسه بعدها قدر يحصل على عروض أكبر.

مشكلتى معاه انه طماع بيحاول يكسب رضا عمى بأى شكل.

صوت انثوى جاى من بعيد : منى يا منى البيه لسه مجاش من المكتب ؟

منى (الشغاله) : لا يا ستى ريهام لسه مجاش بس غريبه النهارده بتسألى يعنى جه ولا لأ سهرانه النهارده ولا ايه😉.

ستى : اي اللى بتقوليه ده يا بت يخيبك 😂 ، احنا كبرنا على الحاجات دى انا بسأل علشان على جاى النهارده.

منى : على مين يا ستى ريهام ؟

ستى : مش فاكره على ؟ يا بت ده امك هى اللى مربياه يعتبر المهم على يبقى ابن محمود ابنى يا بت ده أنا هعلقه لما اشوفه😂.

الكلام كان على دخلتى من الباب أنا و جدي

أنا : كده برضه يرضيكى يا ريرى اتعلق 😂😂 و جريت اخدها فى حضنى.

ستى : كده بتثبتنى يعنى 😂 ، عامل اي يا واد و مالك خاسس كده انت مش بتاكل ولا اى 🤔😂.

أنا : انتى تقريباً عمرك ما شوفتينى متغذى كويس يا ريرى😂.

ستى : قصدك أنى بكذب يعنى ؟

أنا : أنا أقدر برضه يا ريرى يا حبيبة قلبي ده أنا لولا خايف من زعل جدى كنت خطفتك يا بسكوته انتى 😂❤️.

ستى : اضحك عليا ياض بالكلام اضحك😂 هعديهالك بمزاجى هااا 😂.

أنا : طول عمرك حنينه يا كبيره 😂.

أنا : هتسيبينى واقف كده مفيش اتفضل استريح ولا حتى تسقينا كوباية مايه 😂😂.

ستى : تعالى يا موكوس خش اقعد خلينا نشربك و نتكلم قبل ما تروح الملحق حاكم أنا عارفاك أما بتصدق تجرى على هناك.

روحت قعدت جنب جدى على كنبه جلد اسود فخمه محطوطه فى الجزء المخصص للسهر، فيلة جدى مقسمة من جوه ل دورين والدور الأرضي مقسم ل ٣ اجزاء جزء للسهر و القعدات الخاصة بالعيله و جزء للضيوف مجهز بكل ما ممكن يحتاجه الضيوف ده غير أنه حط مكتب فى المنطقه دى خاصه بيه باعتبار أن قليل لما هيكون فيه ضيوف هيقعدوا اخيرا جزء مخصص للخدم بكل حاجه بيعملوها أوض ليهم و كمان المطبخ …إلخ

أما الدور اللى فوق فيه اوض النوم مجهزة على اعلى مستوى حمام خصوصي ب كل اوضه ده غير المناظر الخضراء اللى تشوفها بمجرد ما تبص من الشباك أو الفرانده لإن جدى عمل بره مبنى الفيلا نفسه مزروعات خضراء و حتى عامل صوب فى جزء معين من الفيلا ده غير الملحق و ده المكان اللى بحب اقعد فيه هادى و بعيد عن جو الفيلا و اللى فيها.

أنا : منور يا ابو السيد بس اي ريرى مش شايفاك من ساعة ما دخلنا مش قايم بالواجب ولا اى 😉😂.

جدى : بس ياض يا ابن الاهبل انت لا اقوم اضربك 🤛🏻😂.

أنا : لا أهدى كده أنا مش قدك يا عم 😅.

ستى : بتتودودوا في اي انت وهو يا واد.

أنا : بصراحة يا ريرى اخاف اتكلم جدى يزعل انى قلتلك.

ريرى: قلت اي عليا يا سيد 🙂.

جدى : أنا أقدر أقول حاجه عليكى تزعلك برضه يا غزال 😉😂.

ستى اتكسفت راح جدى قايل

جدى : عيب عليك احنا على قديمه ياض 😂😂.

أنا : لا و أنا أشهد لك بعد الجمله دى اشهدلك ١٠ من ١٠ و نجمه 😂.

ستى : خلينا بقى فى المهم اعمل اي مع ابوك يا على ؟

أنا : و ليه السيره دى بقه اقوم امشى و اسيبكم يعنى 😅😂.

ستى : أنا مبهزرش يا على عامل اي مع ابوك مش شايف أن كفايه تكون بعيد بقه.

أنا : طالما جد بقه ف لأ مش ناوى انتى عارفه هو شارط عليا اعمل ايه ده غير أنه أنا اللى بصرف على نفسى حاليا ده يدوب إيجار السكن اللى بتاع اول سنه غير كده مفيش ، هل تعتقدى أن فيه اب بيعمل اللى هو بيعمله .

ستى : ما هو برضه حط نفسك مكانه واحد شاف ابنه الكل بيقول أنه عامل عمله سوده زى دى عايزه يتصرف ازاى بقه